Dhuaan

2

July 12, 2012 by bluberie


Ye dhuaan hai dhuaan

Dhuein ke dhaagon se ehsaas ke kapde sil rahaa hoon main

Dhuein ke in bhaari baadalon mein mil

Lamhon ki udaan bhar rahaa hoon main

 

Raakh ke chingaariyon ko pairon tale kuchal

Aag par chal rahaa hoon main

Is dhuein ki karbaton se hairaan

Hawa ke nabz gin raha hoon main

 

Aag se tapte is badan mein

Aag le chal raha hoon main

Zeherili raat ki suiyaan chubhaa

Chhaati pe subeh ki intezaar ki rakh mal raha hoon main

 

Paison ki baat dekhte-dekhte

Chehre pe jhurriyaan aa padi hain

Bhook ki maar sehte-sehte

Ungliyon ki jilliaan junjhlaa padi hain

 

Jahaan kahin pe kisi din zindagi ki nazaakat ki talash thi

Wahaan aaj sirf ek bharsak koshish ki ot hai

Aage badhne, peeche chhodne ki hi sahi

Lekin ek gehri roohaani chot hai

 

Jis din waapas se is dili bargad ki chhaal thoda khharoch paaoonga

Us din man ki chaadar odh shaayad so paaoonga

Us din ye taabad-tod shaayad hogi band

Aankhon ke kapdon se shaayad us din dhul aayenge

Sanghharsh ke kuchle-maile kuchh chhand

 

Band, aaj main dhuein ke ik dibbe mein hoon band

Talaashta hoon ek aisi chaabhi

Jo khol paayegi meri aatmaa ka band kamraa

Jo la paayegi mere badan ke aangan mein thehraaw ki baarish

Jo tod paayegi mere sannaaton se bhari ye magroor thand

Thodi si hi sahi

Par jo bhar paayegi mere sapnon ke tarkash mein shaant kuch kshann

2 thoughts on “Dhuaan

  1. ‘Jis din waapas se is dili bargad ki chhaal thoda khharoch paaoonga
    Us din man ki chaadar odh shaayad so paaoonga’

    Really loved these lines.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: